EURES participa na Conferencia Learning by Leaving 2022: "Digital Nomads in the 21st century"

Sobre o evento

Os días 26, 27 e 28 de outubro terá lugar en Mallorca o encontro Learning by Leaving 2022 coa presenza de catro redes europeas, entre elas a Red EURES de cooperación para o emprego e para a libre circulación de traballadores.

A Conferencia, baixo o nome de “Nómades dixitais no século XXI”, centrarase na relación entre mobilidade e dixitalización e en como as habilidades dixitais dos usuarios inflúen nas súas oportunidades de mobilidade e nunha mellor xestión dos seus proxectos de vida persoal e profesional.

Ademais da nosa Red EURES, organizan o encontro Euroguidance, Rede europea de recursos nacionais e centros de información para a orientación en 34 países europeos, Plataforma Europass, con ferramentas permiten xestionar as competencias e planificar a aprendizaxe e a carreira profesional en Europa e Eurodesk, Rede europea dedicada á información xuvenil.

Durante esas xornadas, os asistentes porán en común programas, estratexias e recursos que as diferentes redes implicadas están a desenvolver e analizarán posibles estratexias para mitigar a fenda dixital e as barreiras no acceso e uso intensivo de novas tecnoloxías. Así mesmo, presentarán experiencias pioneiras e innovadoras relacionadas con procesos de dixitalización que faciliten a mobilidade, así como os obxectivos e iniciativas da Comisión Europea no ámbito dixital.

Toda a información sobre este evento está dispoñible na web Learning by Leaving 2022